Летам у Мінску пройдзе міжнародны чэмпіянат па спідкубінгу

Кубік Рубіка сабраць за 4 секунды! Аматараў вядомай галаваломкі з усёй Беларусі збярэ летам у Мінску міжнародны чэмпіянат па спідкубінгу! Незвычайнае спаборніцтва набірае папулярнасць. У сталіцы кубераў трэніруюць у спецыяльных класах. Яны асвойваюць алгарытмы зборкі кубіка на хуткасць з 8 гадоў. Інтэлектуальны занятак развівае памяць, маторыку рук і матэматычнае мысленне.

Чэмпіянат па хуткаснай зборцы кубіка пройдзе ў Мінскім дзяржаўным палацы дзяцей і моладзі. Лепшых кубераў з Беларусі, Расіі, Украіны, Германіі і Францыі вызначаць у 18 намінацыях.