Сёння, 1-га снежня, ва ўсім свеце адзначаюць Дзень барацьбы са СНІДам. Штогод сталіца далучаецца да міжнародных ініцыятыў і прафілактычных акцый. Напрыклад, дзясяты год запар актыўная моладзь горада прапануе звярнуць увагу на гэту праблему праз… рукадзелле. Напрыканцы лістапада жыхары дзевяці раёнаў сталіцы шылі фрагменты для квілта - коўдры з кавалачкаў тканіны. Над рознакаляровым дываном у стылі пэчварк працавалі больш за сотню маладых людзей ва ўзросце да 17 гадоў. У кожнай каманды быў свой колер фону, на якім удзельнікі прафілактычнай акцыі малявалі і вышывалі сімвалы барацьбы са СНІДам.
На міжнароднай мове квілт - знак неабыякавасці да эпідэміі СНІДу і салідарнасці з сем'ямі, якіх закранула гэта хвароба. Палатно з абрэзкаў тканіны павінна быць стандартнага памеру - два метры ў даўжыню і метр у шырыню.
