Дэпутаты шукаюць новыя падыходы ў рабоце з электаратам. А прамыя тэлефонныя лініі набываюць усё большую папулярнасць. Прычым узнятыя пытанні датычацца не толькі асабістых інтарэсаў, але часта закранаюць цэлыя прадпрыемствы. Нашы карэспандэнты высветлілі топ найважнейшых праблем, якія хвалююць беларусаў.
Расказвае Вольга Халадовіч. Палессе. Гэты брэнд ведаюць далёка за межамі Беларусі. Сёння Гомсельмаш пастаўляе свае камбайны больш чым у 15 краін свету. Але кан'юнктура рынку прымушае маркетолагаў прадпрыемства шукаць новыя магчымасці і наладжваць новую стратэгію продажаў.
Міхаіл Мясніковіч, старшыня Савета Рэспублікі Нацыянальнага сходу Рэспублікі Беларусь: "Патрэбныя новыя схемы рэалізацыі прадукцыі праз фінансавую падтрымку экспарцёраў. Але паколькі ў нас сёння ёсць пэўныя цяжкасці на фінансавым рынку і рэсурсы дастаткова дарагія, таму задача няпростая. Але для такіх горадаўтваральных прадпрыемстваў, безумоўна, трэба гэтыя пытанні вырашаць. І сёння такая задача стаіць і перада мной, і перад урадам, каб дапамагчы прадпрыемству выйсці з той сітуацыі, у якой яно знаходзіцца".
Каб дамагчыся вынікаў, патрэбная праца сумесная. І гэта залежыць ад саміх дэпутатаў. Патрэбныя новыя падыходы і практыка, а патэнцыял ёсць.
Адказаць хутка і знізіць колькасць пісьмовых зваротаў. У адміністрацыі Чыгуначнага раёна Гомеля адкрыта спецыяльная лінія sms-паведамленняў. Усе пытанні, што хвалююць грамадзян, прымаюцца кругласутачна. А адказы можна ўбачыць на сайце гарвыканкама ў спецыяльнай рубрыцы "Лінія sms-паведамленняў".
У выніку колькасць зваротаў ад грамадзян знізілася амаль удвая. І зараз такія sms-лініі ёсць ужо ва ўсіх раёнах Гомеля і Гомельскай вобласці.
А ў сталіцы агучылі сёння яшчэ адзін трэнд - дзейнічаць напрамую і неадкладна. Падчас сесіі гарадскога Савета дэпутатаў гаварылі пра неабходнасць адкрытага дыялогу паміж грамадзянамі і самімі дэпутатамі. Пры гэтым не выпусціць з поля зроку літаральна ні адну вуліцу або дом.
Аляксей Кузьміч, намеснік старшыні Пастаяннай камісіі Палаты прадстаўнікоў Нацыянальнага сходу Беларусі: "Першае - гэта вызначыцца ў горадзе Мінску па прыватным сектары, таму што ў розныя часы вар'іравалі: то зносім, то не зносім. Каб людзі ведалі перспектыву і маглі вызначыцца. Другое - гэта капітальны рамонт. На сайтах з'яўляюцца спісы, дзе дамы ўключаюць у капрамонт па 3-4 гады. Але людзей гэта насцярожвае, чаму да іх чарга не даходзіць".
У топе самых актуальных пытанняў па-ранейшаму будаўніцтва і сфера ЖКГ. Гэтыя праблемы ўзнімаюцца і падчас суботніх тэлефонных ліній. І, як паказвае практыка, большасць тэлефанаванняў мае пад сабой рэальную аснову. А вырашыць іх па сілах менавіта органам мясцовай улады.
