Плаціш толькі за той час, калі ездзіш на аўто. Такі прынцып закладзены ў праекце ўказа "Аб плацяжах за ўдзел у дарожным руху". Дакумент зараз вынесены на грамадскае абмеркаванне.
Кампраміснае рашэнне прынята рабочай групай, куды ўваходзілі прадстаўнікі міністэрстваў і ведамстваў. І галоўнае - пошліну адвязалі ад тэхагляду. Стаўкі прапаноўваюць зафіксаваць у базавых велічынях у залежнасці ад віду і масы машыны або матацыкла. Аплаціць можна адразу за 2 гады або мінімум за месяц. Тут вырашае толькі вадзіцель. За гадавую дзяржпошліну скінуць да 20 %. А калі плацёж пратэрмінаваны, то прыйдзецца заплаціць у падвойным памеры. У дапамогу тут фотафіксацыя на дарогах. Усе грошы будуць накіроўвацца ў рэспубліканскі дарожны фонд. У падатковым ведамстве новы падыход лічаць справядлівым і зручным для вадзіцеляў, бо пры цяперашнім механізме некаторыя вадзіцелі не праходзілі тэхагляд з-за дарожнага збору.
Больш падрабязна пра новы механізм выплаты дзяржпошліны для вадзіцеляў, які можа запрацаваць ужо вясной, глядзіце сёння ў праграме "Панарама".
