Тэлешоу у чатырох дзеяннях. Замест "шасцісоткі" - сцэна Купалаўскага. Студыйную бутафорыю на адзін эфір прамянялі на арыгінальныя дэкарацыі з "Паўлінкі". Менавіта гэтым спектаклем тут адкрылі парадку 80 тэатральных сезонаў. Соты не стаў выключэннем. А вось галоўныя дзеючыя персанажы змяніліся. На пляцоўцы працуе каманда "Макаёнка, 9".
Арт-фае. Месца, дзе купалаўцы рыхтуюцца да выхаду на сцэну. Сёння тут імправізаваны здымачны павільён. На плэй-бэках, вядома, не нацыянальная класіка, а, хутчэй, тэатр у асобах. У афішы - інтэрв'ю з мастацкім кіраўніком і дырэктарам галоўных драматычных падмосткаў, экскурсія па кулуарах ад Паўла Харланчука і ASMR-чэлендж. Гэта ўсяго некалькі спойлераў са сцэнарыя, напісанага аўтарскай групай спецыяльна пад міжнароднае свята.
Павел Латушка, гендырэктар Нацыянальнага акадэмічнага тэатра імя Янкі Купалы: "Мы святкуем разам з "Беларусь 1", і нам вельмі важна, каб таксама нашы гледачы, аматары Купалаўскага тэатра і не толькі, а ўсе, хто любіць беларускую культуру, даведаліся аб тым, што сёння сапраўднае тэатральнае свята. Гэта, дарэчы, выключная з'ява, калі сапраўды тэлеканал са сваёй праграмай выходзіць на намоленую славутую купалаўскую сцэну".
У ролі канферансье ў тэматычным выпуску - Андрэй Макаёнак
На сцэне Купалаўскага п'есы Макаёнка ішлі 39 сезонаў таму. Драматургічны прабел запоўніў адзін са сцэнарыстаў шоу. Сёння роля канферансье - за Андрэем Макаёнкам. Вобразы сувядучаму падбіралі ў касцюмерных цэхах Купалаўскага.
У грымёрках артыстаў Купалаўскага - музычныя госці "Макаёнка, 9"
У грымёрках народных і заслужаных - музычныя госці. У эфіры "Макаёнка, 9" трэк, які не прагучыць на "Еўрабачанні", гледачы "Беларусь 1" першымі пачуюць у новай версіі. Дарэчы, дуэт VAL у гасцях у шоу не першы раз.
Галоўная гераіня шоу - ПТС "Яніна"
Галоўная гераіня тэлешоу - "Яніна". Перасоўная тэлевізійная станцыя ловіць сігнал з 8 камер. У дапамогу інтэлектуальнай платформе два стэдыкамы. Мінімум дубляў - больш імправізацыі. Пішуць "Макаёнка, 9" на Энгельса 7 у рэжыме прамога эфіру.
Шоу "Макаёнка, 9" працягне працаваць на выездзе
З тэлепавільёна ўжо выязджалі на панарамную пляцоўку Траецкага прадмесця. Так запускалі другі сезон шоу "Макаёнка, 9". Эксперыменты з лакацыямі абяцаюць прадоўжыць.
Яўген Перлін, вядучы шоу "Макаёнка, 9": "Я зараз перад здымкай ішоў па Карла Маркса, сустрэў дырэктара нашага Нацыянальнага мастацкага музея Уладзіміра Пракапцова, і ён гаворыць: "Яўген, бачыў вашу ПТС. А давайце выпуск у нас знімем". Таму, я мяркую, што гэта адзін з найбліжэйшых планаў".
Тэатральны эфір - заўтра перад "Панарамай"
Тэатральны эфір "Макаёнка, 9" на "Беларусь 1" ужо заўтра. Вячэрняе шоу у суботнім прайм-тайме перад "Панарамай" у 20:00. З'явіцца тэматычны выпуск праекта і на афіцыйным YouTube-канале шоу.