Напярэдадні ў Баранавічах падраздзяленні 120-й зенітнай ракетнай брыгады пачалі выконваць задачы другога этапа вучэнняў. Пачалася перадыслакацыя чыгуначным эшалонам асабовага складу, узбраення і ваеннай тэхнікі брыгады. На палігоне ў Астраханскай вобласці беларускім ракетчыкам трэба будзе выканаць баявыя стрэльбы з зенітных ракетных комплексаў Бук. Усяго практыку вучэнняў з баявой стральбой атрымаюць каля 180 беларускіх вайскоўцаў.
У гэты час працягваюцца тактычныя вучэнні войскаў ВПС і СПА Узброеных сіл Беларусі. На расійскім палігоне Цялемба разлікі 1-га і 115-га зенітных ракетных палкоў і 15-й зенітнай ракетнай брыгады вядуць падрыхтоўку да баявых стрэльбаў. Сёння запланаваныя пускі з зенітнага ракетнага комплексу С-300.
