Не толькі беларусы і расіяне, але і госці з Балтыі, Францыі, Германіі і Галандыі. Штогод колькасць замежных турыстаў у Нарачанскім краі расце. Чыстае паветра, празрыстая вада і адносна недарагія паслугі. Што яшчэ прываблівае гасцей на нарачанским беразе? Антаніна Станкевіч адправілася ў падарожжа па беларускім паазер'і.
Зараз у сезон ахвотнікаў адпачыць на Нарачы дастаткова. На жаль, многім нават даводзіцца адмаўляць - свабодных месцаў няма. 100-працэнтная запаўняльнасць мясцовых гасцініц, турыстычных баз і здраўніц - з'ява звыклая. Ахвотна прыязджаюць на Нарач не толькі беларусы, але і госці з замежжа.
Большасць апартаментаў апоўдні выглядаюць даволі пустымі. Нічога дзіўнага: добрае надвор'е і сонца цягнуць адпачывальнікаў да возера. Вада ў пляжнай зоне як раз прагрэлася да камфортнай тэмпературы.
Адпачывальнікаў прываблівае не толькі чыстая і празрыстая вада і свежае паветра - тое, што дала сама прырода, але і комплекс паслуг. Лячэбныя працэдуры, спа-праграмы, пракат спартыўнага інвентару - усё гэта даступна турыстам круглы год.
Катанне на яхтах - забава, безумоўна, сезонная. Кошт такога задавальнення ад 500 тысяч рублёў за гадзіну. Абавязкова на борце прысутнічае вопытны шкіпер - так што, любыя пазаштатныя сітуацыі выключаны.
Масавы наплыў турыстаў на Нарачы звычайна працягваецца да сярэдзіны верасня, але адпачыць на беразе самага вялікага возера краіны можна і ў пік сезона. Гарачыя пуцёўкі і спецыяльныя прапановы перыядычна з'яўляюцца.
