Халоднае надвор'е з начнымі замаразкамі захаваецца да канца тыдня

Прагнозы сіноптыкаў пацвердзіліся. Сёння жыхары сталіцы змаглі ўбачыць першы снег. Але пакуль толькі мокры. Дзённая тэмпература паветра не апускаецца ніжэй за нуль і трымаецца на ўзроўні 1-2 градусаў. Паводле папярэдніх прагнозаў, халоднае надвор'е з начнымі замаразкамі захаваецца да канца тыдня. Дарэчы, летась у гэты час белая заслона ужо накрыла сталіцу. Першы снег быў адзначаны 21 кастрычніка.