КДК Беларусі адкрывае кароткі нумар па пытаннях правядзення цэнтралізаванага экзамена

Дзяржкантроль адкрывае кароткі нумар па пытаннях правядзення цэнтралізаванага экзамена. У кантрольным ведамстве хочуць даведацца меркаванне выпускнікоў і іх бацькоў аб правядзенні цэнтралізаванага экзамена замест выпускных, аб дастаўцы навучэнцаў у пункты тэсціравання і арганізацыі працэсу правядзення экзамена.

Тэлефанаваць можна па кароткім нумары 191 з сённяшняга дня па 18 мая з 9:00 да 13:00 і з 14:00 да 18:00.

Акрамя таго, 18 мая Камітэт дзяржкантролю правядзе гарачую лінію па вышэйпералічаных пытаннях. Кантактныя тэлефоны, па якіх можна звярнуцца, будуць апублікаваныя напярэдадні гарачай лініі.