Усяго толькі дзень застаецца да галоўнага майскага свята. Заўтра Беларусь адзначыць юбілейную, 75-ю, гадавіну Вялікай Перамогі. У гісторыі 8 мая 1945 года з'яўляецца адной са знамянальных дат. У гэты дзень быў падпісаны канчатковы Акт аб безумоўнай капітуляцыі фашысцкай Германіі і яе ўзброеных сіл. Дакумент адзначыў Перамогу савецкага народа ў Вялікай Айчыннай вайне і завяршэнне Другой сусветнай у Еўропе. У цяперашні час рэзалюцыяй ААН 8 мая абвешчаны Днём памяці і прымірэння. У нашай краіне надаецца асаблівая ўвага гэтай тэме. Працягваецца патрыятычная акцыя "Беларусь памятае. Памятаем кожнага". Жывыя кветкі да месцаў воінскай славы ва ўсіх кутках Беларусі ўскладаюць усе неабыякавыя беларусы.
Пярэдадзень галоўнага майскага свята. Беларусь рыхтуецца да юбілею Дня Вялікай Перамогі
8 мая 2020