Спякотнае надвор'е, паводле прагнозаў, затрымаецца ненадоўга, аднак гарачыня вымушае прымаць неабходныя меры, каб не атрымаць сонечны або цеплавы ўдар. Як абараніцца ад пякучага сонца, і колькі трэба піць вады?
Наталля Кузьміцкая паспрабавала ахаладзіцца ў такую спякоту. Нарэшце, дачакаліся. З раніцы на сталічных пляжах значнае ажыўленне. На слупку тэрмометра плюс 30, вядома, ля вады спякота пераносіцца больш лёгка. На свежым паветры сёння вырашыў папрацаваць і Ілья Фалей.
Адкрытая водная акваторыя сёння адна з самых запатрабаваных у горадзе. Як маленькае мора ў цэнтры сталіцы - вада колеру аквамарын, басейн з мінеральнай крыніцай і ўся неабходная інфраструктура.
Капелюшы і вада - сёння неабходныя аксэсуары для кожнага жыхара сталіцы. У спякоту лік пацыентаў з гіпертанічнымі крызамі ў мінскай бальніцы хуткай дапамогі рэзка ўзрос. Асабліва ўважлівымі да свайго самаадчування неабходна быць гараджанам з сардэчнымі захворваннямі і аўтамабілістам.
Пакуль для адных спякота - гэта складанае выпрабаванне, для другіх - добры прыбытак: у сталіцы за дзень рэалізуюць амаль 60 тон эскімо і пламбіраў. Значна павялічыўся попыт і на актыўны адпачынак на зусім не летніх спартыўных аб'ектах.
Дарэчы, такое спякотнае надвор'е, паводле прагнозаў сіноптыкаў, затрымаецца ненадоўга. Сёння спатрэбяцца яшчэ парасоны. Вечарам у сталіцы і вобласці пройдуць кароткачасовыя дажджы і навальніцы, месцамі моцныя ліўні. Заўтра ж дзённыя максімумы будуць больш камфортнымі – да плюс 26 градусаў.
