У Беларусі плануецца пабудаваць 135 тысяч квадратных метраў арэнднага жылля. Такі амбіцыйны план нам агучылі ў Міністэрстве архітэктуры і горадабудаўніцтва. Пра тое, што камерцыйныя кватэры цалкам могуць стаць рэальнай альтэрнатывай асабістаму жыллю, не раз гаварылася на вышэйшым узроўні. Але пакуль сур'ёзных крокаў у дадзеным кірунку так і не зроблена.
Гэта нам паказвае і статыстыка. Са старту праграмы за 6 гадоў пабудавана каля 20 000 кватэр, але ў агульным жылфондзе гэта толькі кожны 40-вы квадратны метр - 2.5 %. Вельмі сціпла, калі ўлічыць, што ў шматлікіх краінах Еўрасаюза арэндных метраў больш за палову. А ў Швейцарыі і ўвогуле тры чвэрці. Пра тое, што дадзены рынак жылля трэба развіваць, не раз гаварыў і Прэзідэнт. Толькі ў Мінску на адну арэндную кватэру прэтэндуе па 150 чалавек. Пры гэтым дзяржкантроль увесь час выяўляе факты, калі апартаменты з дзяржжылфонду не засяляюцца з-за нямэтавага выкарыстання і адсутнасці рамонту.
У выніку квадратныя метры прастойваюць, а людзі жывуць у дарагіх здымных кватэрах. Як выконваецца даручэнне Кіраўніка дзяржавы па развіцці арэнднага жылля ў рамках чарговай серыі праекта "На кантролі Прэзідэнта", высвятлялі нашы карэспандэнты.
