Такога паказчыка дабіваліся работнікі гарадской жыллёвай гаспадаркі. За сем месяцаў гэтага года сталічныя ЖЭСы аказалі платныя бытавыя паслугі на суму 27 мільярдаў рублёў – гэта значыць попыт на майстроў з дзяржаўных арганізацый павялічваецца. Адной з прычын такога паказчыку стала рэформа ЖКГ, якая з пачатку вясны дзейнічае ў двух раёнах Мінска. Надзея Сербіненка даведалася, як працуе сістэма платных бытавых паслуг.
Рыхтаваць высокакласных спецыялістаў па аказанні платных бытавых паслуг ужо ў наступным годзе будуць тут. Мінскі прафесійна-тэхнічны каледж будаўніцтва і камунальнай гаспадаркі хутка пачне выпускаць хаўс-майстроў. У навучальнай установе з'явіцца і сучасны рэсурсны цэнтр – на гэтай эксперыментальнай пляцоўцы навучэнцы змогуць атрымаць практычныя навыкі.
Эксперымент па падрыхтоўцы хаўс-майстроў сябе апраўдаў. Зараз функцыі рабочых у ЖЭСах строга размежаваныя: хаўс-майстры абслугоўваюць жылыя дамы, пад'езды і падвалы, падтрымліваюць камунікацыі дома ў спраўным стане. А вось у кватэрах жыхароў ўхіляць непаладкі могуць толькі спецыялізаваныя брыгады.
Жыллёвыя службы Мінска выконваюць амаль дзве тысячы розных відаў работ – ад сантэхнічных да складаных рамонтных. Пры гэтым кошт платных паслуг ЖЭСа прыкладна на 30% ніжэйшы за сярэднярыначны па горадзе.
Платныя бытавыя паслугі набываюць усё большую папулярнасць у мінчан. Каб замяніць разетку ці адрамантаваць вадаправодны кран, жыхары ўсё часцей сталі звяртацца ў свае ЖЭСы. Гэта – гарантыя адэкватнай цаны і якасці паслугі .
За сем месяцаў гэтага года сталічныя ЖЭСы аказалі платныя бытавыя паслугі на суму 27 мільярдаў рублёў. У спісе найбольш запатрабаваных паслуг – комплексны рамонт кватэр, сантэхнічныя і электрамантажныя работы, добраўпарадкаванне дваровых тэрыторый. Пры гэтым плаціць жыхар павінен толькі за рамонт, які праводзіцца ў яго кватэры.
Павышэнне якасці бытавых паслуг - вынік рэформы ЖКГ, якая з пачатку вясны дзейнічае ў двух раёнах Мінска. Эксперымент станоўча ўплывае ў першую чаргу на якасць камунальных паслуг.
Дзякуючы рэформе ЖКГ усе ўдзельнікі працэсу абслугоўвання жылфонду будуць зацікаўленыя ў якасным выкананні работ. У залежнасці ад таго, ці будзе задаволены кліент, будзе карэкціравацца і прэмія работніка.
