"У славу агульнай Перамогі!". Да гэтай патрыятычнай акцыі сёння далучыўся Кастрычніцкі раён Мінска. На яго тэрыторыі пяць брацкіх магіл часоў Вялікай Айчыннай вайны. Чатыры з іх ужо добраўпарадкаваны, сёння прыбралі пятую - ля станцыі Калядзічы. Менавіта там у 1944-м былі пахаваныя амаль тысяча салдат, якія абаранялі Мінск. Зямлю з усіх месцаў воінскіх пахаванняў збіраюць у спецыяльныя капсулы, каб у дзень 75-годдзя Перамогі - 9 Мая наступнага года - перадаць іх у храм-помнік Усіх Святых у Мінску.
Акцыя "У славу агульнай Перамогі!" - міжнародная. Яе ініцыяваў Беларускі культурны цэнтр духоўнага адраджэння. Зямля з розных брацкіх магіл на тэрыторыі Беларусі і за яе межамі будзе перададзена ў крыпту храма-помніка. У зборы зямлі і добраўпарадкаванні пахаванняў актыўна прымаюць удзел школьнікі і моладзь.
Да акцыі "У славу агульнай Перамогі!" далучыўся Кастрычніцкі раён Мінска
13 ноября 2019