Да 75-годдзя вызвалення Беларусі. Новы праект Агенцтва тэленавін "Незабыты подзвіг"

5 Мая 2019
Да 75-годдзя вызвалення Беларусі ад фашысцкіх захопнікаў Белтэлерадыёкампанія рыхтуе шмат тэматычных праектаў. Прэм'еры асобных цыклаў прымеркаваны да знакавых дат, такіх як пачатак Вялікай Айчыннай або вызваленне Беларусі. У тыя кровапралітныя часы вялікія справы вяршылі і зусім юныя героі, якія фактычна не  бачылі мірнага жыцця. 

Да - яны былі простымі хлапчукамі і дзяўчынкамі, пасля - героямі. І менавіта аб маленькіх - вялікіх подзвігах распавядзем у новым праекце Агенцтва тэленавін "Незабыты подзвіг". На тыдні нашы калегі пачалі рэканструкцыю і пастановачныя здымкі, на якіх пабывала і Вольга Мядзведзь. 

На гэтых драбінах - Обальскае падполле XXI стагоддзя. Сталічныя школьнікі і па сумяшчальніцтве акцёры, якім не страшная дарослая рабочая змена, так займальна, праз сцэнарый і пастановачныя здымкі дакрануцца да тых гістарычных падзей. Тады, у 1941, членамі арганізацыі былі вучні 7-10 класаў, у новым праекце АТН гістарычная дакладнасць.

Прэм'ерны цыкл "Незабыты подзвіг" аб піянерах, героях Вялікай Айчыннай вайны - гэта не чарговы дакументальны фільм. Нашы калегі правялі сваё журналісцкае расследаванне і некаторыя факты, што былі дзесяцігоддзямі пад грыфам "Сакрэтна", адкрыюцца гледачам упершыню.

Наталля Бардзілоўская, аўтар праекта, карэспандэнт Агенцтва тэленавін: "Мы захацелі абараніць саміх піянероў-герояў ад тых нападкаў, якія адбываюцца, можа быць, апошнія дні,  апошнія гады, калі рэвізіяністы, як мы іх усе называем, спрабуюць перапісаць гісторыю, паставіць пад сумненне дзіцячы подзвіг. Мы хочам іх абараніць, хочам дакапацца да праўды".

Адзін фільм - адзін цэнтральны герой, але праз яго баявую гісторыю распавядзем і пра тыя імёны, якія незаслужана заставаліся ў цені. На працягу года здымачная група АТН запісвала інтэрв'ю экспертаў, гісторыкаў, жывых відавочцаў. Вакол подзвігу Зіны Партновай - асноўная інтрыга, па факты калегі адправіліся ў Пецярбург. Там жыве таксама ў ваенным мінулым падпольшчыца Галіна, родная сястра гераіні.

А галоўную ролю ў эпізодзе пра легендарнага Марата Казея выконвае яго нашчадак. Прапраўнук Арыядны Казей, сястры Марата, так што гэта ўсё сапраўднае, усё ў вобразе.  Для першага акцёрскага вопыту падлеткам стварылі максімальна набліжаную атмасферу. Не бутафорскія медыцынскія інструменты, тэатральная кроў на бінтах, зброя, баявы дым.

Партызанскі лагер у Станькаве - адзін з тэлепавільёнаў пад адкрытым небам. За адзін здымачны дзень тут рэалізавалі тры сцэны з трох розных серый. Па лесе цётка Зіны Партновай разам з дзецьмі бяжыць да бабулі ў Обаль. А літаральна за 500 метраў у зямлянцы сястры Марата Казея ампутавалі ногі. Гэтае ж месца стане штабам, дзе Марат Казлоў атрымае сваё першае заданне. 

З гэтага нерастыражаванага героя і зарадзілася ідэя праекта. Марату Казлову з Быхаўшчыны на пачатак вайны было 11. Падчас чарговай разведкі яго схапілі фашысты і расстралялі пасля зверскіх здзекаў. 

Праект АТН, прымеркаваны да 75-годдзя вызвалення Беларусі, здымаецца ў лепшых традыцыях франтавога кіно, але з прыцягненнем сучасных тэхналогій. Наперадзе ў крэатыўнай групы яшчэ шэраг пастановачных масавых сцэн. Сярод іх расстрэлы, допыты, уцёкі. Усё па-кіношнаму, з маштабнымі спецэфектамі і піратэхнікай. Дарэчы, на здымкі фінальнага, аднаго з самых трагічных эпізодаў, група адпраўляецца ўжо заўтра.  


Папулярныя

Рэкамендуемыя

Зараз чытаюць

Рэкамендуемыя