З гэтага дня ў Беларусі пачнуць выплачваць разавую матэрыяльную дапамогу ветэранам Вялікай Айчыннай і тым, хто пацярпеў ад вайны
Таксама сёння завяршаюць прыём дэкларацый падатковыя органы, а вадзіцелям больш не трэба прад'яўляць сертыфікат дзяржтэхагляду для допуску да руху. Асобна стаіць пытанне з пераглядам арэнднай платы за памяшканні ў дзяржуласнасці. Сёння яна павінна была вырасці, але гэтага, імаверна, не адбудзецца.Вікторыя Васільева, начальнік галоўнага ўпраўлення Дзяржкамітэта па маёмасці Беларусі: "Эпідэміялагічная сітуацыя адлюстроўваецца на эканоміцы шэрагу прадпрыемстваў. Мы гэта разумеем, і Дзяржкаммаёмасць разглядае магчымасць прадастаўлення адтэрміноўкі па выплаце арэндных плацяжоў, а таксама накладанні мараторыя на павелічэнне базавай арэнднай велічыні. У арэндную плату ўваходзяць усе падаткі, зборы і амартызацыя. Таму мы таксама разглядаем варыянт: калі арэндадавец дае льготу арандатару, то і ў яго настаюць вызначаныя канікулы па вось гэтых падатках на гэты тэрмін".
Дакумент па пазначаных мерах зараз у высокай ступені прапрацоўкі.
