Саюзу мастакоў Беларусі - 85! У сувязі з юбілеем выбітным дзеячам айчыннага выяўленчага мастацтва ўручылі ўзнагароды Міністэрства культуры. Ганаровага знака "За ўклад у развіццё культуры Беларусі" ўдастоены і знакаміты беларускі скульптар, народны мастак Беларусі Іван Міско. Аўтар дзясяткаў помнікаў і куратар калектыўных работ, настаўнік моладзі Іван Якімавіч найбольш вядомы як мастак касмічнай тэмы. Ён асабіста знаёмы з касманаўтамі, якія бываюць частымі гасцямі ў яго майстэрні ў Мінску. Міско захаваў у пластыку Юрыя Гагарына, Валянціну Церашкову. Зараз у рабоце ў скульптара помнік Алегу Навіцкаму, які будзе ўсталяваны на малой радзіме беларускага касманаўта - у Чэрвені.
З новых праектаў Міско помнік, які плануецца ўсталяваць у горадзе Гагарыне, на радзіме першага касманаўта Зямлі. Задумаў скульптар і праект, прысвечаны іншапланецянам.
