Экалагічны форум рэспубліканскага маштабу прайшоў напярэдадні ў Бабруйску. Дадзенае мерапрыемства прысвечана Году экалагічнай культуры і аховы навакольнага асяроддзя, які быў аб'яўлены ў СНД. Прыцягнуць увагу да асноўных праблем па ахове прыроднага фонду - захаваць і прымножыць - вось галоўная задача ўдзельнікаў форуму. Хто сёння стаіць на варце навакольнага асяроддзя - у рэпартажы Уладзіміра Сёмкіна.
Святочнае шэсце па цэнтральных вуліцах Бабруйска атрымалася вельмі маляўнічым. Арганізатары пастараліся прыцягнуць увагу да форуму. І ім гэта сапраўды ўдалося.
У рамках форуму лепшыя прадстаўнікі прыродаахоўных службаў краіны былі адзначаныя знакамі Ганаровы эколаг Рэспублікі Беларусь і граматамі Савета Міністраў. У сваю чаргу дэлегаты высадзілі алею чырвоных дубоў і прынялі ўдзел у зарыбленні Бярэзіны. Прычым, каштоўнай пародай рыбы - сцерляддзю.
Выстава Сучасныя тэхналогіі ў сферы аховы і выкарыстання прыродных рэсурсаў асабліва выклікала цікавасць удзельнікаў форуму. Нанаідэі ўражваюць. Напрыклад, Міжнародны экалагічны ўніверсітэт імя Сахарава прэзентаваў праект Энергія балот. Сэнс яго ў вырошчванні трыснягу на тарфяніках.
Чэслаў Раманоўскі, дацэнт Міжнароднага дзяржаўнага экалагічнага ўніверсітэта імя А.Д. Сахарава: Літаральна за 2 гады на гэтых участках вырастае вось такі трыснёг. Мы яго здрабняем і дадаём у торф. Пілеты робім. Гэта як крыніца аднаўляльнай энергіі.
Аляксандр Андрэеў, удзельнік 11-га Рэспубліканскага экалагічнага форуму: У працэсе сваёй працы не заўсёды бачыш, што адбываецца, а тут паглядзіш, што прадпрыемствы стварылі ў сябе, каб імпартазамяшчэнне зрабіць.
Беларусь удзяляе павышаную ўвагу пытанням экалогіі. Аднак для аховы навакольнага асяроддзя можна і трэба рабіць значна больш.
