Тысячы парушэнняў міграцыйнага заканадаўства, сотні парушальнікаў, дэпартацыі і крымінальныя справы. Гэта вынікі праверкі іншаземцаў усяго за чатыры дні прафілактычных мерапрыемстваў. Міліцыя, органы дзяржбяспекі, а таксама пагранічнікі праверылі месцы, дзе маглі хавацца нелегальныя мігранты, адпрацавалі аператыўную інфармацыю калег. У топе парушальнікаў найбліжэйшыя суседзі, а таксама грамадзяне Кітая. Што ж датычыцца непасрэдна нелегальнай міграцыі, то з пачатку года ў нашай краіне затрымана 35 чалавек, у асноўным гэта выхадцы з Алжыра і Шры Ланкі.
Віталь Навумчык, часова выконваючы абавязкі начальніка Дэпартамента па грамадзянстве і міграцыі МУС Беларусі: "Увогуле было выяўлена парадку 1500 парушэнняў. Гэта не гаворыць аб тым, што гэта былі нелегальныя мігранты. Асноўная колькасць такіх парушэнняў была звязана з парушэннем парадку рэгістрацыі, з ухіленнем ад выезду, з парушэннем парадку працоўнай дзейнасці і гэтак далей. За некаторыя парушэнні частка людзей была дэпартаваная. За перыяд правядзення "Нелегала" з Беларусі было выправаджана парадку каля 135 парушальнікаў".
Як гавораць у міліцыі, гэта невялікія лічбы, і сітуацыя з нелегальнай міграцыяй боязі не выклікае. Акрамя таго, зараз рыхтуецца новы законапраект. Размова ідзе аб спрашчэнні парадку рэгістрацыі, павелічэнні тэрміна знаходжання іншаземцаў без яе ў Беларусі, прэферэнцыях высокакваліфікаваным спецыялістам.
