Правілы дарожнага руху - на смартфоне! У Беларусі прадставілі мабільны дадатак, які дапаможа вывучаць правілы ў больш зручнай форме, а таксама пратэсціраваць атрыманыя веды. Новы падыход да адукацыі асвойваюць і школы краіны. У Барысаве дырэктар мясцовай навучальнай установы сам стварыў падручнікі дадатковай рэальнасці. Як віртуальныя ўрокі дапамагаюць засвоіць веды і хто са знакамітых расійскіх артыстаў будзе ствараць імідж беларускім стартапам? Расказвае Ян Пашкевіч.
Віртуальная, але ўжо рэальнасць - усе галаваломкі гэтай лічбавай лабараторыі Пётр Кушняроў зашыфраваў у праграмным кодзе адразу некалькіх мабільных дадаткаў. Усю школьную праграму выводзіць адразу на экран смартфона праз аб'ёмныя вобразы.
На мову IT былы настаўнік інфарматыкі пераклаў біялогію, геаграфію, гісторыю мастацтва… Амаль 10 школьных прадметаў. Поўную перазагрузку школы ў віртуальную прастору яшчэ не завяршыў - дырэктарам стаў усяго паўгода таму. Падручнік па гісторыі, напрыклад, ператварыў у World of Tanks - знакамітыя баталіі можна назіраць адразу на полі бою.
У класе смарт-падручнікі сталі для навучэнцаў арыенцірам у рэальным свеце. У кабінеце ж англійскай мовы сучасным гаджатам з сэнсарным экранам стаў нават стары таксафон.
Пры гэтым над школай ужо загарэўся статус анлайн - злавіць Wi-Fi можна ў кожным кабінеце. Праз Сетку мабільны дадатак для вывучэння англійскай мовы аўтаматычна пераносіць звычайныя малюнкі ў кінафармат.
Такі дадатак будзе "руліць" бяспекай на дарозе. Беларускія праграмісты перанеслі асновы дарожнага этыкету ў фармат коміксаў - правілы загучалі ў вершаванай форме, а тэорыю выкладаюць вадзіцелі-блогеры.
Вобраз жа беларускай распрацоўкі будзе ствараць Мікалай Навумаў, прычым пачаць прыйшлося з сябе.
Новы крэатыўны дырэктар стартапа змяніў спартыўны імідж свайго кінагероя на стыль кэжуал.
Мабільны дадатак змогуць атрымаць курсанты некаторых аўташкол. Анлайн-памочнік стане і віртуальным інспектарам па правілах дарожнага руху - пасля кожнай тэмы навучэнцаў чакае інтэлектуальны тэст-драйв па новай тэме.
