Пазнавальныя канікулы. IT-лагер для дзяцей-сірот працуе ў гэтыя дні ў Мінску. 70 хлопцаў і дзяўчат з усёй краіны вывучаюць праграмаванне, вэб-дызайн, маркетынг, інтэрнэт-журналістыку. У канцы змены яны распрацуюць уласныя сайты і мабільныя праграмы. Галоўная задача праекта - пазнаёміць слухачоў з актуальнымі кірункамі ў IT і матываваць іх на рэалізацыю сябе ў гэтай сферы.
Акрамя заняткаў, ва ўдзельнікаў IT-лагера запланаваныя экскурсіі ў офісы беларускіх распрацоўшчыкаў і майстар-класы.
