Ушаноўванні маці сёння праходзяць па ўсёй краіне. Жанчын, якія выхавалі годных абаронцаў Бацькаўшчыны, віншуюць у армейскіх часцях і злучэннях.
А што адчуваюць мамы, якія адправілі сваіх сыноў служыць у беларускую армію? Уладзімір Каралёў даведаўся пра матчыны перажыванні і пачуццё гонару за сына-дэсантніка.
Пра свайго сына-вайскоўца Анжаліна можа гаварыць гадзінамі. Мама ўпэўнівае, Раман сам вырашыў пайсці ў армію, прасіўся ў сілы спецаперацый: дэсантнік - гучыць ганарліва.
Часам гавораць, што маці служаць разам з сынамі: ён у казарме, яна дома. Вось і жанчына прызнаецца, што ў думках яна сапраўды заўсёды побач.
Служыць дэсантніку засталося меней за два месяцы. Салдат заўсёды лічыць дні да дэмбелю. Як і сын, яна ўстанавіла ў тэлефон дадатак, які адлічвае час да радаснай даты. У дзень здымак рэпартажу мы папыталі кіраўніцтва воінскай часці адпусціць салдата ў звальненне.
У лістападзе дэсантнік зменіць ваенную форму на цывільную. Рома паабяцаў, што наступнае свята Дзень маці яны абавязкова правядуць разам.
Гісторыя жанчыны, чый сын служыць у дэсантных войсках
14 октября 2019