Даследчыкаў і наватараў у Беларусі будуць выхоўваць з дзіцячага садка

30 Кастрычніка 2013
Новыя методыкі навучання юных грамадзян сёння абмяркоўвалі ў Мінску на калегіі Міністэрства адукацыі краіны. Развіццё лагічнага мышлення, творчыя і інтэлектуальныя здольнасці, навыкі даследаванняў - такая праца ўжо праводзіцца з дзецьмі ў садках Мінскай вобласці. Магчымасць адчуць сябе даследчыкам малышам даюць і ў дзіцячых садках Магілёўскага і Віцебскага рэгіёнаў. Як гавораць у Мінадукацыі, сёння асноўная задача - па-новаму падысці да выхавання дзяцей ва ўсіх дашкольных установах краіны.

Як было заяўлена сёння, прынцыпова новы падыход да адукацыйнага працэсу павінен быць і ў школах. На ўроках больш практыкі і творчасці. Адпаведныя методыкі, як высветлілася, у Міністэрстве адукацыі ўжо распрацаваныя.