Старшыня Беларускай федэрацыі лёгкай атлетыкі Вадзім Дзевятоўскі даў інтэрв'ю "Галоўнаму эфіру"

Усё мацней разаграваецца цікавасць да падзеі транскантынентальнага маштабу. Еўропа і Злучаныя Штаты Амерыкі высветляць адносіны ў верасні ў Мінску і без пасрэднікаў! Дзве галоўныя сілы сусветнай лёгкай атлетыкі збіраюцца на матчавую сустрэчу на стадыёне "Дынама". Беларусы, вядома ж, выступяць за Еўропу і ўжо нават атрымалі квоту на гэты паядынак. Колькі нашых прымуць удзел у гэтым гістарычным матчы - вы даведаецеся зусім хутка. 

А самае галоўнае, што трэба ведаць прама зараз, білеты ў продажы і па цалкам даступных цэнах. Увогуле, Беларусь працягвае праводзіць буйныя міжнародныя спаборніцтвы: пасля II Еўрапейскіх гульняў нас чакае сапраўдны фестываль "каралевы спорту". Старшыня Беларускай федэрацыі лёгкай атлетыкі Вадзім Дзевятоўскі ў інтэрв'ю "Галоўнаму эфіру" назаве прызавы фонд мерапрыемства і растлумачыць, чаму камерцыйны складальнік у матчавай сустрэчы Еўропа - ЗША не галоўнае.