Гэта вялікі дзень для Беларусі. Так пракаменціраваў сённяшнюю гонку васьміразовы алімпійскі чэмпіён Уле-Эйнар Б’ёрндален. Шквал віншаванняў у адрас нашай залатой чацвёркі ляціць з усяго свету. Вядучыя выданні стракацяць пераможнымі загалоўкамі. Рэсурс "Газета.Ru" адзначае:
"Гэта выдатнае дасягненне для каманды, а Дар'я Домрачава стала чатырохразовай алімпійскай чэмпіёнкай.
NBC канстатуе: "Домрачава робіць гісторыю сусветнага біятлона".
"Ніхто не можа параўнацца з Домрачавай", - заяўляе брытанскае выданне "Гардыян".
"Золата для Беларусі" - з трыма клічнікамі вітае на сваім сайце брытанская тэлерадыёвяшчальная кампанія ВПС, якая вяла прамую трансляцыю гонкі.
Брава нашым залатым біятланісткам!
