Інспектары ДАІ будуць несці дзяжурства на чыгуначных пераездах

Чыгуначныя пераезды на працягу пяці дзён будуць пад пільнай увагай Дзяржаўтаінспекцыі вобласці дзеля папярэджання надзвычайных здарэнняў і траўматызму. Інспектары ДАІ будуць несці дзяжурства на чыгуначных пераездах. Як паказваюць праверкі, прычынамі аварый на чыгунцы з'яўляецца няведанне або невыкананне вадзіцелямі правілаў дарожнага руху. З пачатку года ў Мінскай вобласці адбылося тры здарэнні з удзелам чатырохколага і чыгуначнага транспарту. Штраф за парушэнне правілаў пераезду - ад 46 да 92 рублёў.