Іна Мядзведзева: Белстат дакладна сочыць за тым, каб пададзеныя звесткі былі закрытыя

11 Верасня 2019

Да пачатку лютага будучага года стануць вядомыя актуальныя звесткі аб колькасці насельніцтва краіны. Дакладныя даныя падрыхтуюць па выніках перапісу насельніцтва. Да старту кампаніі застаецца крыху больш  за тры тыдні. Упершыню беларусы змогуць прайсці апытанне праз інтэрнэт. Паводле папярэдніх ацэнак, гэта гатовы зрабіць кожны трэці. Трэба будзе адказаць на 49 пытанняў. Да тых, хто па розных прычынах не скарыстаецца такой магчымасцю, перапісчыкі прыйдуць дахаты. Можна таксама наведаць стацыянарныя ўчасткі. Іх пералік з'явіцца ў тым ліку на сайце Белстата. Кіраўнік ведамства сёння нагадала, што перапіс - гэта абавязак грамадзян. Асцерагацца, што асабістыя звесткі будуць выкарыстаны супраць, не варта. Даваць каму-альбо асабістую інфармацыю забаронена законам. 

Іна Мядзведзева, старшыня Нацыянальнага статыстычнага камітэта Беларусі: "Усе пададзеныя асабістыя звесткі з'яўляюцца канфідэнцыяльнымі. Белстат строга сочыць за адпаведнасцю гэтаму прынцыпу. Мы забяспечваем як прыватнасць, так і бяспеку гэтых звестак. Даныя не падаюцца ні падатковым, ні кантралюючым органам. Органам дзяржкіравання для прыняцця кіраўніцкіх рашэнняў падаюцца толькі агрэгаваныя звесткі. У гэтай сувязі Белстат дакладна сочыць за тым, каб гэтыя звесткі былі закрытыя".

На працягу ўсёй кампаніі ў краіне будзе працаваць кол-цэнтр. Ён адкажа на любыя тэматычныя пытанні беларусаў. А вось паведамляць асабістыя звесткі па тэлефоне не трэба. Белстат так перапіс не праводзіць, перасцерагаюць арганізатары.