Інкубатар малога прадпрымальніцтва ў Калодзішчах развівае новыя адукацыйныя ініцыятывы

9 июня 2020
Ад першых крокаў у бізнесе да сур'ёзных праектаў! Інкубатар малога прадпрымальніцтва ў Калодзішчах развівае новыя адукацыйныя ініцыятывы. Па-першае, гэта школьныя бізнес-кампаніі. Зараз ствараецца юрыдычны дакумент, які дазволіць старшакласнікам асвойваць асновы прафесіі, а галоўнае - самастойна зарабляць. 

Па-другое, запатрабаваны напрамак - арганічнае земляробства. Па выніках міжнароднага семінара будзе сфарміравана вучэбная праграма ў вольным доступе анлайн. Яе сутнасць - разабрацца ва ўсіх эканамічных і юрыдычных аспектах зялёнага фермерства.

Дарэчы, у самім пасёлку Калодзішчы ў верасні плануюць правесці вялікі кірмаш, дзе сваю прадукцыю прапануюць беларускія фермеры і рамеснікі.