Першы абласны форум маладых лідараў. Ініцыятыўная і творчая моладзь сабралася ў Мядзельскім раёне. Пераможцы розных конкурсаў, лідары сваіх калектываў, маладыя журналісты, аграрыі, настаўнікі, бізнесмены прэзентавалі сацыяльныя праекты і абмеркавалі маладзёжную палітыку рэгіёна. Прайшоў і майстар-клас па развіцці малога бізнесу.
Сярод неардынарных удзельнікаў форуму маладых лідараў - малады святар са Слуцка - айцец Павел - актыўна вядзе свой блог у сацыяльных сетках і такім чынам размаўляе з маладзёжнай аўдыторыяй на хрысціянскія тэмы на даступнай мове.
Форумы, на якіх маладыя ініцыятыўныя грамадзяне Мінскай вобласці могуць абменьвацца вопытам і карыснымі ведамі, працягнуцца. Кожны раз сустрэчы будуць праходзіць у розных кутках рэгіёна, у тым ліку на малой радзіме знакамітых беларусаў.
