Духоўна-асветніцкая выстава распачалася сёння ў сталіцы. Больш за сто прадстаўнікоў храмаў і манастыроў з Беларусі, Расіі і Украіны прывезлі з сабой ушанаваныя іконы, царкоўныя рэчы для хрэсьбін і сувеніры да аднаго з галоўных праваслаўных святаў. Дакранулася да святыні разам з вернікамі і Марына Мураўёва.
Амаль на дзесяць дзён сталічны Палац мастацтваў ператварыўся ў месца сустрэчы хрысціян. Сюды не трапіш раптоўна, і, дарэчы, выстава адрозніваецца ад традыцыйнага каляднага шопінгу.
На ёй можна набыць царкоўныя кнігі і рэчы для хрэсьбін, малітоўнікі, лампадкі і свечкі для свята Нарадждэння Хрыстовага, іконы святых і маленькія сувенірныя анёлы.
Памаліцца чатыром дзясяткам святынь з часцінкамі мошчаў з розных куткоў свету - рэдкая для мінчан магчымасць.
Штогод выстава збірае больш за 40 тысяч чалавек. Падчас яе ў кожнага ёсць магчымасць трапіць на духоўна-асветніцкія лекцыі святароў, паглядзець прэм'еры дакументальных праваслаўных фільмаў, прэзентацыі кніг. Са сваёй духоўнай спадчынай завітаў на выставу і Юрый Вараб'ёў. Яго кніга пра святую гару Афон - тэма, актуальная сёння.
Кожны дзень выставы будзе пачынацца з багаслужэння. Трапіць на яго можна а 10-й гадзіне раніцы. Між тым пакланіцца святыням і набыць падарункі для родных можна сёння да 8-мі гадзін вечара.
