Іх служба і небяспечная, і важная! Ахова дыппрадстаўніцтваў адзначае 20-гадовы юбілей

Іх абавязак - ахова асабліва важных аб'ектаў краіны: Савета Рэспублікі, Вярхоўнага суда, Генеральнай пракуратуры, МЗС, Нацыянальнага банка, дыпламатычных прадстаўніцтваў і консульскіх устаноў. Сёння ўпраўленне па ахове дыпламатычных прадстаўніцтваў і консульскіх устаноў замежных дзяржаў дэпартамента аховы МУС адзначае 20-годдзе. У чым асаблівасць працы элітнага падраздзялення, разбіраўся Уладзімір Каралёў. 

Штораз за сваю змену інспектар аховы Аляксей Марадасаў праходзіць каля 10 км. Даручаны яму аб'ект - пасольства і консульскі аддзел Расіі. На такую працу імкнуцца браць халерыкаў, бо кожную гадзіну малодшаму сяржанту і яго напарніку прыходзіцца абыходзіць вялікую тэрыторыю. 

Грошы любяць цішыню, таму 12-гадзіннае дзяжурства на пасту ля Нацбанка для адных здаецца руцінным, для іншых - мерным. Але нават у самым спакойным месцы часам здараюцца неспадзяванкі. Што толькі не прыносяць з сабою наведвальнікі. 

Іх працу можна назваць самай сакрэтнай у ведамстве, паколькі ніякія здарэнні не адлюстроўваюцца ў крымінальных зводках. Любыя інцыдэнты: затрыманні або арышты ля пасольстваў або консульстваў - могуць павярнуцца міжнародным скандалам і нават нотай пратэсту. 

Староннім у будынак МЗС уваход дазволены, але толькі пасля надгляду. 

На асабліва важных аб'ектах краіны нясуць службу толькі афіцэры 8-га ўпраўлення дэпартамента. А пры ахове такіх аб'ектаў, як будынак МЗС або прадстаўніцтва ААН, абавязковым з'яўляецца веданне замежнай мовы. 

Староннім у будынак МЗС уваход дазволены, але толькі пасля надгляду. За свой рабочы дзень Аляксандра Венгер правярае паўсотні чалавек. 

Сёння ўпраўленню па ахове дыппрадстаўніцтваў і консульскіх устаноў замежных дзяржаў спаўняецца 20 гадоў. Штодня на службу заступаюць амаль 200 чалавек, якія ахоўваюць 40 пасольстваў, паўтара дзясятка консульстваў, шэсць рэзідэнцый, суды, многае іншае. Але нягледзячы на выхадны і юбілей ведамства большасць супрацоўнікаў правядзе дзень на працы - служба абавязвае.