Сусветная арганізацыя аховы здароўя ўключыла гульнявую залежнасць у пералік хвароб і расстройстваў на ўзроўні з алкагалізмам і наркаманіяй. Сёння ад яе пакутуе каля 5 % насельніцтва планеты. Гульнявая залежнасць можа быць дыягнаставана ў тым выпадку, калі ў чалавека адбываюцца парушэнні ў сямейнай і сацыяльнай сферах. Часта ў пацыентаў узнікаюць суіцыдальныя думкі з-за пагружэння ў віртуальную рэальнасць. У шматлікіх краінах, уключаючы Беларусь, ужо распрацаваны праграмы лячэння людзей з такой залежнасцю.
Алена Тарасевіч, дацэнт кафедры Беларускай медыцынскай акадэміі паслядыпломнай адукацыі: "Адзінага метаду не існуе. Гэта мультыдысцыплінарны падыход да такіх пацыентаў, калі працуе як псіхолаг, так і псіхатэрапеўт, і сямейны тэрапеўт. Выкарыстоўваецца выключна па паказаннях і медыкаментозная тэрапія і метады медыкапсіхалагічнай карэкцыі. Павінна быць праца ў камандзе, каб арганізаваць дапамогу такім пацыентам".
Сёння САЗ апублікавала 11-е выданне міжнароднай класіфікацыі хвароб, у яе ўвайшлі 55 тысяч расстройстваў. Гэты даведнік універсальны для ўсіх урачоў свету.
