Ігар Петрышэнка: Урад падтрымлівае работу па раннім выяўленні ракавых захворванняў

20 Лютага 2019

Урад падтрымлівае работу па раннім выяўленні ракавых захворванняў. Гэта сёння ў РНПЦ анкалогіі заявіў журналістам намеснік прэм'ер-міністра Ігар Петрышэнка. Сёлета ў нашай краіне павялічаць закупку таргетных прэпаратаў на 10 мільёнаў долараў. Гэта лекі, якія дазваляюць разбурыць пухліну кропкава, не аказваючы негатыўнага ўплыву на суседнія органы. Нягледзячы на тое што ў Беларусі ўжо даўно развіваецца скрынінг анкалагічных захворванняў, 50 % выпадкаў выяўляюцца толькі на апошніх стадыях. У Міністэрстве аховы здароўя плануюць удасканаліць праграму ранняга выяўлення раку.

Ігар Петрышэнка, намеснік прэм'ер-міністра Беларусі: "Зніжэнне смяротнасці - гэта ў першую чаргу ранняя дыягностыка, правядзенне скрынінгу не толькі тут, у Мінску, у абласных цэнтрах, а ахоп усяго насельніцтва. Калі мы своечасова вызначым тыя ці іншыя анкалагічныя адхіленні, то мы можам вельмі хутка, якасна і галоўнае без наступстваў у будучыні гэтае захворванне ліквідаваць".

Па слядах вялікай нарады аб дэмаграфіі Агенцтва тэленавін падрыхтавала эксклюзіўнае інтэрв'ю аб новых мерах падтрымкі сем'яў: мацярынскі капітал, кватэрнае пытанне. Ці будзе ЭКА бясплатным? Гучныя грамадскія дыскусіі пракаменціраваў віцэ-прэм'ер Беларусі Ігар Петрышэнка спецыяльна для "Галоўнага эфіру".