Ідэі па вырашэнні праблем будучыні прапаноўваюць студэнты на сустрэчы ў Мінску

Платформа для пошуку зніклых людзей, 3D-друк лекаў і тэхналогіі для горназдабыўной прамысловасці. Ідэі па вырашэнні праблем будучыні прапаноўваюць таленавітыя студэнты з пяці краін на сустрэчы ў Мінску. Некаторыя з іх знойдуць практычнае  прымяненне ў сферах прамысловасці, бо ўжо пяты год турнір падтрымліваюць кампаніі з сусветным імем.

Андрэй Іванец, старшыня савета маладых навукоўцаў НАН Беларусі: "Асаблівасцю турніру з'яўляецца тое, што ўсе задачы пастаўлены альбо непасрэдна, альбо з удзелам буйных прамысловых вытворчых інавацыйных кампаній. Гэта тыя задачы, што рэальна стаяць перад нашай навукай, але ў якія хочуць залучыць моладзь, каб яна прапанавала нестандартныя, нетрывіяльныя рашэнні". 

Віктар Дзмітрыеў, удзельнік турніру Sciteen-2019 (Санкт-Пецярбург, Расія): "Неабходна ўсё рабіць загадзя, азнаёміцца з літаратурай па гэтым пытанні, неабходна даведацца пра ўсе рашэнні, што існуюць па зададзенай тэме. І ўжо зыходзячы з іх, прапанаваць сваё новае альбо мадэрнізаваць старое".

У журы турніру вядучыя беларускія навукоўцы. Прадоўжыцца конкурс увесь тыдзень. За самыя цікавыя ідэі студэнты атрымаюць падарункі ад Акадэміі навук.