У Беларусі разглядаецца пытанне аб падаўжэнні праграмы сямейнага капіталу. Аб гэтым заявіла Міністр працы і сацыяльнай абароны Ірына Касцевіч падчас сустрэчы з працаўнікамі прадпрыемства па вытворчасці пластмасавых цацак у Кобрыне. Калектыў фабрыкі "Палессе" малады - сярэдні ўзрост 35 гадоў. Тут працуе звыш дзвюх тысяч чалавек. Асаблівую ўвагу надаюць падрыхтоўцы і навучанню кадраў. Кіраўнік ведамства падкрэсліла, што ў краіне трэба развіваць добраахвотную назапашвальную сістэму пенсій. Пакуль гэтым механізмам скарысталіся толькі 4 % грамадзян, якія працуюць.
Новы корпус плошчай 20 тысяч квадратных метраў будуецца па суседстве. Плануецца, што тут будуць выпускаць канструктары, лялек і інтэрактыўныя цацкі. Колькасць рабочых месцаў павялічыцца мінімум на 200 чалавек.
