Асабліва каштоўная ў гэты няпросты час падтрымка. Некалькі гадзін таму ў нацыянальным аэрапорце Мінск сустрэлі гуманітарны груз з Аб'яднаных Арабскіх Эміратаў: маскі, пальчаткі, антысептыкі. Усё гэта ў найбліжэйшыя дні перададуць беларускім медыкам.
Ахмед Мангуш аль-Тэнейджы, Надзвычайны і Паўнамоцны Пасол ААЭ ў Беларусі: "У гэты няпросты час зараз вельмі важна аказваць падтрымку, тым больш дружалюбным дзяржавам. У нас з Беларуссю вельмі цесныя погляды па пытаннях знешняй палітыкі, таму хочацца выказаць салідарнасць беларускаму народу і медыкам".
Як адзначылі ў пасольстве, Арабскія Эміраты ўжо аказалі гуманітарную падтрымку для барацьбы з каранавірусам 47 краінам.
Гуманітарная дапамога з ААЭ прыбыла ў Мінск
12 мая 2020