Напярэдадні груз з Беларусі даставілі ў Мазамбік. У гуманітарную дапамогу ўвайшлі неабходныя пацярпелым ад цыклону рэгіёнам рэчы і прадукты - тушонка, школьныя прылады, мыйныя сродкі, адзенне, абутак і многае іншае. Дагэтуль 46 тон грузу перадалі зімбабвійскаму боку. Прэзідэнт гэтай краіны асабіста выказаў падзяку за дапамогу. Перадача грузу супала і з дзяржаўным святам гэтай афрыканскай рэспублікі.
Аляксандр Сідарук, Надзвычайны і Паўнамоцны Пасол Беларусі ў Паўднёва-Афрыканскай Рэспубліцы і па сумяшчальніцтве ў Анголе, Зімбабвэ, Мазамбіку, Намібіі: "У сувязі з тым, што ў пацярпелых раёнах, асабліва Зімбабвэ, шмат шматдзетных сем'яў з вялікай колькасцю дзяцей, упор у грузе быў зроблены на дзіцячае харчаванне, дзіцячыя рэчы. У сувязі з тым, што ў пацярпелых раёнах разбураны школы, мы паставілі канцтавары, школьныя прылады - форму, сшыткі".
Нагадаем, цыклон "Ідай" стаў найбуйнейшай прыроднай катастрофай у Паўднёвым паўшар'і. Ураганны вецер, хуткасць якога дасягала 170 кіламетраў за гадзіну, абрынуўся на Мазамбік, Зімбабвэ і Малаві напрыканцы сакавіка. Буянства прыроды выклікала гуманітарную катастрофу, а ў асобных гарадах – успышку
халеры. Наступствы стыхіі закранулі каля 3 млн чалавек.
Гуманітарная місія ў Паўднёвай Афрыцы завершана. Сёння наш самалёт адправіцца ў Мінск
19 апреля 2019