Да цырымоніі адкрыцця II Еўрапейскіх гульняў застаецца ўсяго некалькі гадзін. Над стварэннем шоу працавала міжнародная творчая каманда. Але больш за ўсё, вядома, беларусы. У аснову лягуць галоўныя падзеі нацыянальнай гісторыі. Выкарыстаюць і тэхналогіі дапоўненай рэальнасці. Астатнія дэталі не раскрываюцца аж да старту паказу. Прама зараз наша здымачная група і Ніна Мажэйка знаходзяцца на стадыёне "Дынама" (прамое ўключэнне).
Стадыён "Дынама" зараз у прамым сэнсе слова ў рэжыме чакання. І такая атмасфера на галоўнай пляцоўцы цырымоніі прадоўжыцца аж да вечара. А дакладна да 18 гадзін - у гэты час стануць запускаць гледачоў. А пакуль тут працуюць спецыялісты. Правяраюць тэхнічны стан пляцоўкі.
Да цырымоніі адкрыцця II Еўрапейскіх гульняў застаецца ўсяго некалькі гадзін. Учора вечарам адбыўся апошні прагон з тэлекамерамі. Гэта важны момант, паколькі за цырымоніяй будуць назіраць на ўсіх кантынентах. Тэлемарафон будзе і ў Белтэлерадыёкампаніі. Менавіта нашы спецыялісты разам з дамашнім вяшчальнікам забяспечаць трансляцыю ў фармаце высокай дакладнасці. Тэлегледачы змогуць разгледзець усе важныя дэталі спектакля, а менавіта так называюць дзеянне, якое разгорнецца зусім хутка. Па перыметры арэны працуюць каля 3 дзясяткаў камер, такім чынам нішто не схаваецца ад вачэй гледачоў.
А вось галасамі трансляцыі адразу на двух тэлеканалах краіны-гаспадыні стануць спартыўны каментатар Павел Баранаў і тэлевядучая Вікторыя Сянкевіч.
Плануецца і саўнд-чэк для хэдлайнера цырымоніі адкрыцця Ганны Нятрэбкі. Оперная дзіва прыбыла ў Мінск з Вены напярэдадні позна ноччу. Народная артыстка Расіі, уладальніца драматычнага сапрана прыляцела разам са сваім мужам, драматычным тэнарам Юсіфам Эйвазавым. Вядома, што ў адкрыцці Еўрапіяды прымуць удзел сотні артыстаў, яшчэ больш будзе і спартсменаў - каля 4 тысяч. Яны стануць удзельнікамі традыцыйнага парада спартсменаў з флагамі і ў нацыянальных формах. А кульмінацыяй вечара, вядома ж, стане запальванне агню II Еўрапейскіх гульняў. Як гэта будзе адбывацца, убачым зусім хутка.
