За талент і паспяховую працу. Дзяржаўных узнагарод удастоены прадстаўнікі журналістыкі і культуры.
Адпаведны ўказ падпісаў сёння Прэзідэнт Аляксандр Лукашэнка. Ордэнам Францыска Скарыны ўзнагароджаны дырэктар нацыянальнага прадстаўніцтва Міждзяржаўнай тэлерадыёкампаніі "Мір" у Беларусі Уладзімір Пярцоў. На вышэйшым узроўні адзначылі намаганні па стварэнні адзінай інфармацыйнай прасторы і ўдасканаленні беларускага-расійскага супрацоўніцтва ў тэлесферы.
Прэстыжнымі ўзнагародамі адзначаны адразу некалькі яркіх журналістаў Агенцтва тэленавін. Так, медаля Францыска Скарыны ўдастоена загадчык аддзела палітычных аглядальнікаў АТН Вольга Макей. Яна - аўтар крэатыўных рэпартажаў аб палітыцы і эканоміцы, а таксама праграм на рэзанансныя сусветныя тэмы. Падзяка Прэзідэнта аб’яўлена намесніку галоўнага дырэктара Агенцтва тэленавін Сяргею Хамянтоўскаму за асвятленне важных падзей у краіне і за мяжой. Па годнасці ацанілі прафмайстэрства і арганізатарскія здольнасці нашага калегі. Падзякі Кіраўніка дзяржавы таксама ўдастоена намеснік начальніка аддзела спецпраектаў Наталля Ждановіч - таленавіты рэжысёр, які заўсёды мае свой нестандартны погляд на тэлепадзеі. Віншуем калег!
Таксама Падзякі Прэзідэнта Беларусі атрымаў шэраг журналістаў. Напрыклад, намеснік начальніка аддзела БелТА Яўген Ваньшын - за прафесійнае майстэрства і асабісты ўклад у асвятленне важных грамадска-палітычных падзей.
Адзначаны і вядомы прадстаўнік сферы культуры. Ганаровае званне "Заслужаны артыст Рэспублікі Беларусь" прысвоена Аляксандру Саладуху.
