Умець рызыкнуць і перамагчы важна не толькі ў спартыўнай дзейнасці, але ў любой сферы. Галоўнае, каб неабходныя для гэтага ўмовы былі створаныя. Гэты прынцып дакладна працуе і ў сферы занятасці. Калі чалавек хоча працаваць, ён павінен атрымаць такую магчымасць. Пра тое, як дзяржаўныя субсідыі, бясплатнае перанавучанне і інвестыцыі адкрываюць новыя магчымасці ў працаўладкаванні, раскажа Андрэй Ястрабаў.
Бабруйчанка Юлія Ашэйчык, ветурач па адукацыі, у свае 32 вырашыла заняцца любімай справай. Да гэтага змяніла некалькі месцаў працы. Але ў выніку знайшла сябе ў сваёй жа спецыяльнасці - адкрыла ветлячэбніцу.
Дзяржсубсідыі - а гэта амаль дзве з паловай тысячы рублёў - як раз хапіла на закупку інструментаў і касавага абсталявання. Актыўны маркетынг у сацсетках прынёс свае вынікі. Арандаваўшы памяшканне ў прыватным сектары, за пару месяцаў ветурач стала галоўным Айбалітам раёна.
Праз наплыў кліентаў прыйшлося павялічыць штат - узяла памочніцу. Прадпрымальнік упэўненая: на гэтым не спыніцца. Бо попыт на паслугі расце. Дарэчы, жаданне адкрыць сваю справу - адна з тэндэнцый на рынку працы, адзначаюць спецыялісты. Толькі ў Бабруйску дзяржпадтрымку на такія мэты летась атрымалі 73 беспрацоўныя. Не менш будзе і сёлета.
Яшчэ тысяча сто вакансій з гарадской базы даных чакаюць вольных рук. З іх звыш 700 рабочых.
Напрыклад, сёння ў Бабруйску сфарміравалася чарговая група па перанавучанні на вадзіцеля тралейбуса. Г.зн. патрэбнай прафесіі дзяржава гатова нават навучыць і пры гэтым забраніраваць на час вучобы рабочае месца на прадпрыемстве.
За год у Бабруйску перанавучанне прайшлі звыш 220 чалавек, і ўсё гэта бясплатна для беспрацоўных, бо дзяржава бярэ на сябе ўвесь цяжар выдаткаў на атрыманне прафесіі, у некаторых выпадках наогул першай у жыцці беспрацоўнага. Летась гэтая лічба перавысіла 200 000 рублёў.
Квота гэтага года для Бабруйска - не меней за 300 чалавек.
Дарэчы, аб інвестыцыях: яны сталіся ў Магілёўскай вобласці як ніколі дарэчы для рашэння праблемы занятасці. Адзін з прыкладаў - металургічны завод. Тут за два з паловай гады змаглі рэалізаваць амбіцыйны праект коштам 28 млн еўра - выпуск восяў для чыгуначных вагонаў. І пачалі з падрыхтоўкі кадраў.
Зараз малады спецыяліст адказвае за нараджэнне нарыхтовак. Такіх, як ён, рабочых, якія прайшлі навучанне новай спецыяльнасці, на заводзе аказалася нямала.
Праца на чатыры змены і экватар праектнай магутнасці 20 000 чарнавых восяў за год прынеслі прадпрыемству прыбытак, ён адбіўся на зарплаце - звыш тысячы рублёў на пачатак года і вырасла амаль напалову. Асвоілі выпуск для вузкакалеек. І ўслед за Расіяй, Украінай прадукцыя завода адправілася ў Еўрасаюз.
