На гэтым тыдні Кіраўнік дзяржавы падпісаў указ, які змяняе правілы прыёму ў ВНУ і сярэднія спецыяльныя навучальныя ўстановы. Зараз абітурыентам можна здаваць 4 тэсты замест 3, а сертыфікаты цэнтралізаванага тэсціравання будуць сапраўдныя два гады, таксама з'явяцца 3 рэзервовыя дні. Ёсць у новым дакуменце і яшчэ некалькі важных змяненняў.
Пра іх пагаворым з Міністрам адукацыі Ігарам Карпенкам. Ён у нашай студыі (відэа).
На гэтым тыдні прэсу абляцела навіна: беларусы - у топ-10 найбуйнейшай сусветнай выставы электронікі. У Лас-Вегасе завяршылася СES-2017, там свае разумныя гаджэты прапанавалі амаль усе інавацыйныя кампаніі свету. Гэта расчоскі з Wi-FI, тостары, наўтбукі з трыма экранамі. Традыцыйна тут прэзентуюць новыя смартфоны, аўтамабілі і робамілі - адсюль у свой час выйшлі CD-дыскі, гульнявыя кансолі, выгнутыя тэлевізары і многае іншае, без чаго мы не ўяўляем сваё жыццё. Наведваюць выставу больш як 140 тысяч чалавек.
На гэты раз увагу журналістаў USA TODAY прыцягнуў стэнд стартапа з беларускімі каранямі. Кампанія KINO-MO, праўда, зараз ужо са штаб-кватэрай у Лондане, - гэта праект двух выхадцаў з Брэста Кірылы Чыкеюна і Арцёма Ставенкі. Мы ўсе памятаем іх распрацоўку - галаграфічную праекцыю на колах веласіпеда. Тэхналогія прадаўжае ўдасканальвацца, і вось амерыканцы ўключылі іх 3D-галаграмы, прэзентаваныя на стэндзе ў Вегасе, у топ-10 найлепшых ідэй на выставе.
Нас гэта, зрэшты, не здзіўляе - аналагаў гэтай тэхналогіі ў свеце няма і яна запантэнтавана беларусамі, але вось у чым пытанне - ні ў адным выданні стартап не названы беларускім. Застаецца толькі шкадаваць, што хлопцы абгрунтаваліся не на Радзіме і плён нашай адукацыі пажынаюць іншыя краіны.
Што зрабіць, каб такія бліскучыя ідэі і людзі заставаліся ў краіне? Ці не спрыяе ўцечцы кадраў той жа Балонскі працэс? Каментарый Міністра адукацыі Ігара Карпенкі (відэа).
