Скарачэнне тэмпаў будаўніцтва жылля да 600 тысяч квадратных метраў за год, новыя зялёныя зоны адпачынку і захаванне большай часткі сядзібнай забудовы. Сёння гарадскія ўлады разам з архітэктарамі і дэпутатамі Мінгарсавета прадоўжылі абмеркаванне генплана сталіцы. У прыярытэце развіццё сталічных гарадоў-спадарожнікаў і ўдасканаленне сацыяльнай інфраструктуры сталічных мікрараёнаў. У рамках МКАД асноўны геаграфічны арыенцір для ўзвядзення жылля - усходняя і паўночная часткі горада.
Леанід Добыш, дырэктар УП «Мінскград»:
"Больш за ўсё людзей хвалявала пытанне зносу сядзібнай забудовы. Напрыклад, гэта трэба для функцыянавання горада - пракладкі метро, тут мы стаім на пазіцыі зносу. Дык гэта ў рамках развіцця горада, а там, дзе ёсць дамы, мы пастараемся не зносіць і зрабіць на карысць тых, хто там пражывае".
Напярэдадні адбылося грамадскае абмеркаванне генплана сталіцы. У ім паўдзельнічалі каля трох тысяч чалавек. А заўтра папярэднія вынікі аб'явяць на горадабудаўнічым савеце.
