Як дагадзіць святочнаму звярку ў галоўную ноч? Чаму Новы год можна сустрэць двойчы? Рэпартаж Юліі Грызунт. Рональд - малпачка сапраўды вогненная. Нягледзячы на тое, што яму ўжо 17 гадоў, ён без цяжкасці спраўляецца з трыма паказамі кожны дзень. Сёлета нават зімовыя святы не сталі падставай для выхадных. Іх ён сустрэне разам са сваім гаспадаром, дэманструючы цыркавыя трукі.
На навагодні стол заўсёды было прынята ставіць любімыя стравы звярка-сімвала, і гэты год не выключэнне. Праўда "прыёмны бацька" Рональда разбурыў усе стэрэатыпы - малпа зусім не любіць бананы, таму яе навагоднім падарункам стане вялікае пірожнае з крэмам.
Гэтая малпа яшчэ не ведае, што заўтра атрымае больш пачастункаў, чым звычайна. Але і працы ў яе таксама будзе больш, бо кожны захоча памацаць на поспех галоўны сімвал 2016 года. Дарэчы, ёсць прымета, што навагодні талісман у выглядзе статуэткі або мяккай цацкі насамрэч варта дарыць толькі самым блізкім людзям.
Яшчэ адна парада - паставіць на стол якую-небудзь экзатычную страву. Астролагі запэўніваюць, малпы любяць сюрпрызы больш, чым садавіну. Сустрэць бой курантаў астролагі рэкамендуюць у чырвоным або фіялетавым. Прычым жоўты і аранжавы менавіта ў адзенні выкарыстоўваць не пажадана, затое мандарыны сёлета не проста традыцыйны навагодні фрукт, але і колеравы сімвал усяго года.
Як, дарэчы, і ва ўсе астатнія дні. Бо ў Год малпы зоркі размясціліся сапраўды спрыяльна для камунікабельных і творчых людзей. Цікава, што па ўсходнім календары новы год наступіць толькі ў ноч з 8 на 9 лютага. Дарэчы, менавіта ў гэту ноч астролагі раяць загадаць сваё самае патаемнае жаданне.
