Кульмінацыя дабрачыннай акцыі "Нашы дзеці". Галоўная ёлка краіны ў Палацы Рэспублікі сёння сабрала на свята больш яе дзве тысячы хлопчыкаў і дзяўчынак з усёй Беларусі. Дзятву перад навагоднімі ўрачыстасцямі па традыцыі асабіста павіншаваў Прэзідэнт Аляксандр Лукашэнка. Госці навагодняга балю - гэта выдатнікі: пераможцы алімпіяд і конкурсаў, малышы са шматдзетных сем'яў. А таксама тыя, хто з розных прычын не можа сустрэць святы разам з бацькамі: выхаванцы інтэрнатаў і дзіцячых дамоў. Сёлета на ўрачыстасці ў Мінску прысутнічаюць і дзеці з суседняй Украіны. Нягледзячы на юны ўзрост запрошаных - ад 8 да 14, - Кіраўнік дзяржавы размаўляў з імі як з дарослымі.
Кіраўнік дзяржавы павіншаваў дзяцей з надыходзячымі святамі. Пажадаў здароўя, міру, дабра і здзяйснення самых запаветных жаданняў. Сёлета дзецям паказваюць спектакль "Віртуальны Новы год". За пастаноўкай ужо як глядач Аляксандр Лукашэнка разам з малодшым сынам Мікалаем назіралі з залы для гледачоў. Кожнае дзіця, якое прысутнічала на свяце, атрымала салодкі падарунак. Без навагодніх прэзентаў дзеці не пакінулі і Кіраўніка дзяржавы. Уручылі падарункі, зробленыя сваімі рукамі. Падрабязнасці ў нашых наступных выпусках.
