Кіраўнік дзяржавы Аляксандр Лукашэнка сёння ўсклаў вянок да абеліска Перамогі. Вянкі да манумента Перамогі ляглі ад урада, дэпутатаў, ветэранаў, сілавых структур, дыпламатаў. У цырымоніі прынялі ўдзел таксама актывісты маладзёжных грамадскіх арганізацый, прафсаюзаў, прадстаўнікі цэркваў. Хвілінай маўчання Кіраўнік дзяржавы і ўсе ўдзельнікі цырымоніі ўшанавалі памяць загінуўшых абаронцаў Айчыны. Завяршаючы цырымонію, зводная рота ганаровай варты прайшла па плошчы Перамогі ўрачыстым маршам.