Кіраўнік Адміністрацыі Прэзідэнта наведаў завод "БЕЛДЖЫ"
Сёння Ігар Сергеенка наведаў прадпрыемства "БЕЛДЖЫ". Кіраўнік Адміністрацыі азнаёміўся з лінейкай прадукцыі, ацаніў навінкі айчыннага аўтапрама, пагаварыў з калектывам і правёў асабісты прыём грамадзян. Падчас размовы з супрацоўнікамі Ігар Сергеенка адзначыў, што шматлікія пытанні павінны былі вырашыцца яшчэ на ўзроўні мясцовай вертыкалі. Як, напрыклад, асвятленне вуліцы Брылёўскай у Барысаве.Зарплаты бюджэтнікаў на асаблівым кантролі Адміністрацыі Прэзідэнта
Апроч пытанняў развіцця Барысаўскага раёна, была закранута і тэма зарплат бюджэтнікам. Ігар Сергеенка падкрэсліў, Адміністрацыя Прэзідэнта трымае на кантролі гэта пытанне і гатовая разбірацца з кожнай сітуацыяй. У выпадку падзення даходаў спагнанне будзе з кіраўнікоў арганізацый. Нагадаем, з новага года налічэнні аплаты працы ў бюджэтнай сферы робяцца па новай сістэме.Адказваючы на пытанні журналістаў, Ігар Сергеенка пракаменціраваў і ход працы над магчымымі змяненнямі ў Канстытуцыю Беларусі. Пры гэтым падкрэсліў, што з падрыхтоўкай новай рэдакцыі асноўнага дакумента краіны спяшацца нельга.