Старшыня праўлення Ашчадбанка Расіі таксама падпісаў фінансаванне інвестпраектаў з нашымі ключавымі прадпрыемствамі - БелАЗам і Мазырскім НПЗ. Беларускім гігантам будуць выдзеленыя 800 мільёнаў долараў. Гэта дазволіць павялічыць долю беларускай тэхнікі на сусветным рынку.
Расказвае Наталля Кузьміцкая. Расійскі бізнес бачыць у Беларусі надзейнага і стратэгічнага партнёра, аб сур'ёзнай зацікаўленасці гаворыць не толькі ўдзел у інвестыцыйных, але і сацыяльна значных праектах.
Герман Грэф тры апошнія гады з вялікім адрывам узначальвае рэйтынг самых уплывовых фінансістаў Расіі. Экс-міністр эканамічнага развіцця і гандлю, а сёння старшыня праўлення Ашчадбанка - найбуйнейшага ў Расіі, Цэнтральнай і Усходняй Еўропе - Грэф значная фігура ў фінансавым сектары кантынента. Сёння ён спецыяльна прыехаў у Мінск на прэзентацыю навучальнага праекта.
Інтэрактыўны мультысэрвісны праект Віртуальная школа - падарунак найбуйнейшага расійскага банка. Электронную навінку выпрабавалі сёння ў ліцэі БДУ.
Удзельнічаць у інтэграцыі традыцыйнай адукацыі і інфармацыйна-камунікацыйных тэхналогій у Беларусі расійскія банкіры паабяцалі і далей.
Ад навучання будучых менеджараў - на сустрэчу з топ-менеджарамі найбуйнейшых прадпрыемстваў Беларусі. Герман Грэф прыбывае на падпісанне інвестыцыйных кантрактаў з флагманамі беларускай прамысловасці - БелАЗам і Мазырскім НПЗ. Кантрактны партфель складае каля 800 мільёнаў долараў.
З холдынгам БелАЗ падпісаны мемарандум на выдзяленне прадпрыемству ліміту 300 мільёнаў долараў на фінансаванне бягучай дзейнасці і інвестыцыйных праграм.
350 мільёнаў ад Ашчадбанка атрымае Мазырскі НПЗ. За гэтыя сродкі будзе прафінансаваны вялікі інвестпраект - комплекс гідракрэкінгу цяжкіх нафтавых рэшткаў. Завод павялічыць глыбіню перапрацоўкі нафты да 90%. Лепшы ва Усходняй Еўропе паказчык.
Такім чынам сёння рэалізуецца тое, аб чым бакі і дамовіліся ў канцы 2009 года, калі Ашчадбанк купіў беларускі БПС-банк. Расійскі Ашчадбанк стаў стратэгічным інвестарам для беларускай эканомікі, агентам па прыцягненні знешняга фінансавання для краіны.
