Генеральны сакратар НАТА прызнаў права Беларусі і Расіі на правядзенне вучэнняў на мяжы з Украінай

Генеральны сакратар НАТА прызнаў права Беларусі і Расіі на правядзенне вучэнняў на мяжы з Украінай. Пра гэта было заяўлена напярэдадні ў Рызе. Там праходзіць сустрэча міністраў замежных спраў краін - членаў альянсу. 1 снежня будуць абмяркоўваць сітуацыю ў Чарнаморскім рэгіёне з удзелам кіраўнікоў МЗС Украіны і Грузіі. Адносна анансаваных сумесных вучэнняў Беларусі і Расіі генеральны сакратар заявіў, што краіны павінны паведамляць інфармацыю аб манеўрах і пазбягаць правакацый.  

На ўласныя ўзброеныя сілы краіны альянсу, аднак, распаўсюджваць гэтыя прынцыпы не спяшаюцца. Нядаўна Калінінградскую вобласць актыўна маніторылі самалёты ВПС ЗША і Германіі, у тым ліку разведвальныя. А напярэдадні генеральны сакратар НАТА запэўніў, што ў выпадку неабходнасці альянс зможа за кароткі тэрмін размясціць у Латвіі 40 тысяч вайскоўцаў.