Такое рашэнне сёння падчас трэцяга з'езда прыняў Рэспубліканскі савет грамадскага аб’яднання. Маштабны форум прымала Нацыянальная бібліятэка.
Сваё прывітанне дэлегатам накіраваў Кіраўнік дзяржавы. Аляксандр Лукашэнка перакананы, што і надалей аўтарытэт, роля гэтага аб'яднання няўхільна будуць узрастаць. "Белая Русь" стала сапраўдным масавым рухам, адной з асноў грамадства, ядром здаровых і канструктыўных сіл нашай краіны. А цеснае ўзаемадзеянне з органамі ўлады і работа з насельніцтвам дапамагаюць забяспечваць паспяховае правядзенне сацыяльна-эканамічнай палітыкі дзяржавы. Гэта пацвярджае і той факт, што з амаль 23-х тысяч вылучэнцаў на мясцовых выбарах гэтага года каля паловы - члены "Белай Русі". Абазначаны і асноўныя арыенціры арганізацыі: грамадскі кантроль і экспертыза новых законапраектаў і ключавых рэформаў, актыўная пазіцыя на міжнароднай арэне.
Першыя ўстаноўчыя сходы грамадскага аб'яднання прайшлі ў чэрвені 2007-га. Сёння "Белая Русь" налічвае больш як 170 тысяч членаў. Падчас з'езда падведзены вынікі за апошнія пяць гадоў і зацверджана новая рэдакцыя статуту і праграмы.
