Дзе летам рыбакоў чакае багаты ўлоў - топ клёвых месцаў

12 Красавіка 2017

На дне Мінскага мора вырас яловы лес. Незвычайныя зараснікі на глыбіні размясцілі валанцёры спецыяльна для нерасту судака. Экадомікі з цэглы і хваёвых лапак узвышаюцца над глеістым дном вадасховішча і абараняюць ікрынкі, а затым і малькоў рыбы ад драпежнікаў і пяску. Такім чынам ужо летам у падводных насельнікаў чакаецца сапраўдны бэбі-бум. Дзе ўжо летам рыбакоў чакае багаты ўлоў - топ клёвых месцаў склаў Ян Пашкевіч.

Вяртацца з Мінскага мора без улову Генадзю Іванківу хоць і нязвыкла, але зусім не крыўдна. Гэтым разам заядлы рыбак разам з калегамі па хобі ператварылі бераг вадасховішча ў open-air майстэрню, дзе збіралі яловыя экакалыскі для судака.

Генадзь Інванкіў, прадстаўнік вялікага рыбалоўнага інтэрнэт-клуба: "На Мінскім моры вельмі вялікі прэсінг з боку рыбакоў. Таму сама рыба проста не паспявае аднаўляцца. Мы ж ловім рыбу, значыць павінны ёй і дапамагчы".

Рыба адкладвае ікру на хваёвыя лапкі - у такім зялёным доміку патомства абаронена ад драпежнікаў, а пастаянны струмень вады будзе падтрымліваць у гняздзе чысціню. Таму бэбі-бум у падводных насельнікаў можна чакаць ужо гэтым летам.

У сям'і Сушчынскіх жартуюць, што ў іх выпадку цяга да рыбалкі і зусім перадаецца па спадчыне, праўда, толькі па мужчынскай лініі. Бацька і сын на пару збудавалі некалькі дзясяткаў домікаў для рыбы, каб ужо летам папоўніць альбом новымі трафеямі - сямейны тандэм асвоіў сучасную рыбазберагальную фоторыбалку.

За адзін раз на лодцы можна перавезці некалькі дзясяткаў такіх гнёздаў для судака. Прычым, каб іх апусціць пад ваду, трэба ад'ехаць даволі далёка ад берага на глыбіню, туды, дзе і гняздуецца судак. Апускаць канструкцыю ў ваду зусім проста. Вось і ўсё.

Акрамя таго, падводны свет Заслаўскага вадасховішча папаўняюць і дарослай рыбай. У гэтым сезоне сюды перасялілі 10 тысяч шчупакоў.

Дзякуючы пастаяннаму зарыбленню закіпела жыццё і ў іншых вадаёмах краіны. Толькі летась сюды з рыбгасаў эмігравалі больш за 30 тон шчупака, таўсталобіка, карпа, карася і іншых падводных насельнікаў. Рыбалоўны ж сезон у Беларусі пачнецца адразу пасля перыяду нерасту, а пакуль азёры застаюцца вольнай ад вуд і паплаўкоў тэрыторыяй.


Папулярныя

Рэкамендуемыя